మా చందమామ

మా ఇంటిలోకి ఒక చందమామ వచ్చింది.

అద్భుతంగా...

అందరికీ మరో ప్రపంచం చూపించింది

ఆ చందమామ ఎవరో కాదు మా మొదటి మనుమరాలు ... ఫురవి మేధ

నానమ్మని అవ్వటం ఇంత అద్భుతంగా ఉంటుందా!!

దాని చిరునవ్వులు.. దాని అల్లరి కేరింతలు ..ఎత్తుకోమని చేసే గారాల పల్లవులు..

ప్రతి రోజు మాకు ఒక పండుగ రొజే.. అబ్బా ఎన్నని చెప్పాలి..

ఓ దేవుడా రోజుకి 24 గంటలే ఎందుకు ఇచ్చావు??

ఈ అమెరికా వాడు ఉండడానికి ఆరు నెలలు మాత్రమే ఎందుకు ఇస్తున్నాడు??

ఓ దేవుడా..మిగతా ఆరు నెలలు రోజుకి ఆరు గంటలే ఉంచు

నా చిన్ని తల్లి.. నా బంగారపు కొండ..నా బుడ్డి డోనూ గాడు!!

నీ బుల్లి గుప్పిట్లు ఎంత అందంగా ఉన్నాయి

మా అందరికీ దేవలోకం నుండి ఆ గుప్పిట్లనిండా ఆనందాన్ని తీసుకొచ్చావా??

అందుకేనా..పుట్టినప్పుడు నీ బుల్లి గుప్పిట్లు మూసుకుని ఉన్నాయి

ఇంత ఆనందాన్ని ఇచ్చిన నా బంగారు కొండా.. నీకు ఇవే నా ఆశీర్వచనాలు

చిన్ని తల్లీ!! నువ్వు పూర్నాయిష్కురాలివై..రత్నాల మేడల్లో..విద్యల తల్లివై

మేరు పర్వతం అంత ఎత్తుకు ఎదిగి..ఈ ధరణిలో గొప్ప పేరు తెచ్చుకొని

మా అందరి ఆశీస్సులతో

వర్ధిల్లు తల్లీ.. వర్ధిల్లు తల్లీ.. వర్ధిల్లు తల్లీ..