అమ్మకో అపరంజిబొమ్మ

అమ్మకో అపరంజిబొమ్మ

కూతురు పుట్టగానే రాత్రీ పగలు మరచిపొయిన తల్లి మా చైతన్య
అసలే మనసు వెన్న..మరి కరిగిపోదా కూతురి ఆలనా పాలనలో
కూతురిని చూసుకుంటూ ప్రేమ సంద్రమే అవుతుందే!!

మరి అవ్వదా??

తల్లులు అందరి మనస్సూ ఒక్కటే కదా

తనేమో విద్యల ఘని అయిదు గోల్డ్ మెడల్స్ తెచ్చుకుంటే..

కూతురు ఇంకా ఎక్కువ తెచ్చుకోవాలని కాబోలు

ఈ అపరంజిబొమ్మకు మేధ అని పేరు పెట్టుకుంది

ఇక ఆ చిన్ని తల్లిని చాల గొప్పదానిగా తీర్చిదిద్దాలని
చాలా క్రమశిక్షణగా మంచి హృదయం ఉన్న దానిగా పెంచాలని
ఇంకా ఎన్నెన్నో కలలు

ఎంత స్వార్ధం ... ఎంత స్వార్ధం !!

తల్లి మనసు కదా !!!

తల్లులందరికీ దేవుడు ప్రేమతోపాటు ఇంత స్వార్ధం కూడా ఇచ్చాడే
అమ్మను చూడగానే చిన్ని తల్లి గారాలు చూడాలీ

ఎత్తుకోకపోతే అమ్మ మీద అలకలు, కోపాలు

ఈ మధ్య అరుపులు కూడ అరుస్తోందండోయ్

నోరు లేని చైతుకి ఇంత గడుసు కూతురా!!

మా చైతన్యకి కూతురు ఒక అపరంజిబొమ్మే

ఎత్తుకుంటేనే కూతురు కందిపోతుంది అనుకుంటుందే!!

దానికి చిన్న నలత వచ్చినా తల్లడిల్లిపొతుందే !!
కూతురు తప్పితే మరేది గుర్తుండదే

ప్రపంచంలో ఇన్ని గొప్ప గొప్ప విషయాలు కనిపెట్టారు
తల్లి ప్రేమకు కొలమానం కనిపెట్టారా??

ఎప్పటికీ కనిపెట్టలేరు కూడా అలాంటిది మరి అమ్మ ప్రేమ అంటే

చిట్టి తల్లీ!!

అమ్మ ప్రేమ, అందరి ప్రేమ నీకు రక్షగా

అందరి అశీశ్సులతో దిన దిన ప్రవర్ధమానమై.. ఎదగవమ్మా...
అపరంజిబొమ్మా

నాన్నారి అమ్మా

తాతగారి జాబిలమ్మా

నానమ్మ చందమామా

ఎదగవమ్మా... ఎదగవమ్మా... ఎదగవమ్మా